ليك او ملكش في الكورة ‘‘‘‘‘ هتدخل يعني هتدخل & انا جايبالكو النهاردة شوية نكت ^^ رياضية ^^

يا رب تعجبوا

-1-

في واحد اول اما دخل الاستاد راح باصص لفوق عشان يدور على كلـمه مباشر.


-2-

مره اتنين بيتفرجو على الماتش واحد اسمه تامر والتاني علاء ...فكل اما علاء يقول فاول يبقى فاول ...ويقول بلنتي تبقى بلنتي....ويقول جول تبقى جول..راح تامر قاله خلاص بقى لو انت شايف الماتش قبله كده ...انا مشفتهوش يا اخي.


-3-

مره واحد بيلعب مع فريقه الجديد ضد فريقه القديم...راح جاب جون لفريقه الجديد...وبعد شويه راح جاب جون في فريقه القديم ...عشان محدش يزعل

-4-

مره واحد ركب تاكسي وقال للسواق نادي الشباب لو سمحت راح السواق قاله ما تناديهم انت ولا انت على راسك ريشه.


-5-

مره فريق جاله بلنت في اخر دقيقه في الماتش ..راح اللعيب راح وشطها في السما...راح المدرب قاله ليه كده يابني ...راح اللعيب قاله :عشان التعادل في صالحنا يا كابتن




-6-
مره لعيب العاب قوى جاله برد فراح يقيس الحراره فراح الدكتور قاله درجه حرارته اربعين..فراح اللعيب قاله وفاضل كام عشان احصل الرقم القياسي..

-7-

مره حكم دخل الملعب راح نادى على الحكام المساعدين ووزع على كل حكم فيهم رايه وقالهم اول ما تلاقو خناقه ارفعو الرايه وانا هتصرف...راح وسط الماتش الحكم المساعد الاول شاف الجماهير بتتخانق راح رفع الرايه..فجاله الحكم وقاله في ايه ...قاله الجماهير بتتخانق...قاله مش كده ارفعها لما تلاقي خناقه في الملعب...وبعد شويه راح الحكم المساعد التاني رفع الرايه ..فراحله الحكم وقاله مالك..راح قاله هو زميلي كان بيقولك ايه.


يااااااااااااااااااااااااا رب تكون النكت عجبكتوا

مستني الردود الحلوة بقى